27 total views, 2 views today

عموماً انگریزی لفظ ’’ایڈریس‘‘ (Address) کے لیے اُردو میں جو لفظ استعمال میں لایا جاتا ہے، اُس کا املا ’’پتہ‘‘ لکھا جاتا ہے جب کہ اس کا دُرست املا ’’پتا‘‘ ہے۔
اس حوالہ سے سب سے مستند حوالہ رشید حسین خان کی کتاب ’’اُردو کیسے لکھیں؟ (صحیح املا)‘‘ کے صفحہ نمبر 20 پر ان الفاظ کی شکل میں ہاتھ آتا ہے: ’’خیال رکھنے کی بات یہ ہے کہ ’’مختفی ہ‘‘ عربی اور فارسی لفظوں کے آخر میں آتی ہے۔ اور زبانوں کے لفظوں کے آخر میں ہمیشہ الف لکھا جائے گا، جیسے: بھروسا، پتا، پتّا وغیرہ۔‘‘
’’فرہنگِ آصفیہ‘‘ کے مطابق بھی اس لفظ کا درست املا ’’پتا‘‘ اور معنی ’’نشان‘‘، ’’سراغ‘‘، ’’سرنامہ‘‘، ’’لفافہ‘‘ وغیرہ کے ہیں۔
’’نوراللغات‘‘ میں بھی املا ’’پتا‘‘ ہی درج ہے۔
اس طرح مناسب بات ہوگی کہ ’’اتہ پتہ‘‘ کا املا بھی دُرست یعنی ’’اتا پتا‘‘ لکھا جائے۔




تبصرہ کیجئے