وکی پیڈیا کے مطابق مشہور مضمون نگار، نقاد اور سوانح نگار رشید احمد صدیقی یوپی کے ضلع جونپور کے ایک گاؤں مڑیا میں 24 دسمبر 1894ء میں پیدا ہوئے۔
میٹرک تک جونپور میں رہے ، پھر اعلا تعلیم کے لیے علی گڑھ آ گئے۔ مالی حالت سے مجبور ہو کر کچہری میں ملازمت کرنے پر مجبور ہوگئے۔ چناں چہ ملازمت کے ساتھ ساتھ تعلیم بھی جاری رکھی اورفارسی میں ایم اے کیا۔
طالب علمی کے زمانے سے مِزاحیہ مضامین لکھنا شروع کیے۔ علی گڑھ میگزین کے ایڈیٹر رہے۔ 1922ء میں وہیں کالج میں پروفیسر ہوگئے۔ جب یونیورسٹی بنی اور اُردو ادبیات کا شعبہ قائم ہوا، تو رشید احمد صدیقی کو صدرِ شعبہ بنا دیا گیا۔
شعروادب کا بڑا ستھرا ذوق رکھتے تھے۔ ادب کے بڑے اچھے استاد تھے۔ ازندگی شرافت اور اعلا اخلاقی اقدار کا بہترین نمونہ ہے۔
تصانیف یہ ہیں: ’’مضامینِ رشید‘‘، ’’خنداں‘‘، ’’گنج ہائے گرانمایہ‘‘، ’’طنزیات و مضحکات‘‘، ’’اردو طنز و مِزاح کی تنقیدی تاریخ‘‘۔
15 جنوری 1977ء کو انتقال کرگئے۔